`యుద్ధభూమి` సెన్సార్ పూర్తి

06 June, 2018 - 4:19 PM

1971లో భార‌త స‌రిహ‌ద్దుల్లో జ‌రిగిన య‌థార్థ సంఘ‌ట‌న‌ల ఆధారంగా మ‌ల‌యాళంలో తెర‌కెక్కిన చిత్రం `1971 బియాండ్ బార్డర్స్`. మేజ‌ర్ ర‌వి ద‌ర్శకత్వం వ‌హించారు. గ‌త ఏడాది మ‌ల‌యాళంలో విడుద‌లై ఘ‌న విజ‌యం సాధించిన ఈ చిత్రాన్ని జష్రాజ్ ప్రొడ‌క్షన్స్, శ్రీ ల‌క్ష్మీజ్యోతి క్రియేష‌న్స్ బేన‌ర్స్‌పై ఏయ‌న్ బాలాజీ `యుద్ధభూమి` పేరుతో తెలుగులోకి అనువ‌దించారు. ఈ చిత్రం సెన్సార్ కార్యక్రమాలు పూర్తిచేసుకొని జూన్ 22న విడుదలకు సిద్ధమవుతోంది.

ఈ సంద‌ర్భంగా చిత్ర నిర్మాత ఏయ‌న్ బాలాజి మాట్లాడుతూ… `ఈ చిత్ర ద‌ర్శకుడైన మేజ‌ర్ ర‌వి నిజజీవితంలో కూడా మేజ‌ర్ కావ‌డం విశేషం. ఈయ‌న 1981లో ఆర్మీలో చేరి అనేక కీల‌క ఆప‌రేష‌న్స్‌ని లీడ్ చేశారు. మేజ‌ర్ ర‌వి 2002 సంవ‌త్సరంలో మొద‌టిసారిగా మెగాఫోన్ ప‌ట్టి `పున‌ర్ జ‌ని` అనే మ‌ల‌యాళ చిత్రానికి ద‌ర్శక‌త్వం వ‌హించారు. అప్పటి నుండి ఆయ‌న త‌న‌కున్న దేశ‌భ‌క్తిని నిరూపిస్తూ తాను ఆర్మీలో ప‌నిచేసే స‌మ‌యంలో జ‌రిగిన ఆప‌రేష‌న్స్‌కి సంబంధించిన కొన్ని య‌థార్థ సంఘ‌ట‌న‌ల ఆధారంగా ఎన్నో చిత్రాల‌కు ద‌ర్శక‌త్వం వ‌హించారు. మేజ‌ర్ ర‌వి ప్రతి సినిమా ఆర్మీ బ్యాక్ డ్రాప్‌లో ఉంటూ యువ‌తలో దేశ‌భ‌క్తిని క‌లిగిస్తూ విజ‌యం సాధించిన‌వే’ అన్నారు.

ఇక ఈ చిత్ర క‌థ విష‌యానికొస్తే.. 1971లో భారత్ – పాక్ బార్డర్‌లో జ‌రిగే వార్ నేప‌థ్యంలో ఎమోష‌నల్ డ్రామాగా సినిమా రూపొందింది. ముఖ్య పాత్రల‌లో మ‌ల‌యాళం సూప‌ర్ స్టార్ మోహ‌న్‌లాల్‌, టాలీవుడ్ మెగా ప్రొడ్యూస‌ర్ అల్లు అర‌వింద్ త‌న‌యుడు అల్లు శిరీష్ న‌టించారు. ఈ చిత్రంలో మేజ‌ర్‌‌గా మోహ‌న్‌లాల్, ఎన‌ర్జిటిక్ అండ్ యంగ్ డైన‌మిక్ సోల్జర్‌గా అల్లు శిరీష్ క‌నిపిస్తారు. బిజినెస్ పరంగా అద్భుతమైన రెస్పాన్స్ వస్తోంది. గ‌తంలో నేను త‌మిళం, మ‌ల‌యాళం, హిందీ చిత్రాల‌ను తెలుగులోకి అనువ‌దించాను. నేను రిలీజ్ చేసిన ప్ర చిత్రం విజయం సాధించిన‌దే. ఈ సినిమా కూడా ఘ‌న విజ‌యం సాధిస్తుంద‌న్న న‌మ్మకం ఉంది. `యుద్ధభూమి` సెన్సార్ కార్యక్రమాలు పూర్తిచేశాం. జూన్ 22న రిలీజ్ చేయడానికి సన్నాహాలు చేస్తున్నాం` అన్నారు.ఈ చిత్రానికి సంగీతం: సిద్ధార్ద్ విపిన్‌, డైలాగ్స్: ఎమ్‌.రాజ‌శేఖ‌ర్‌రెడ్డి, కెమెరా: సుజిత్ వాసుదేవ్‌, నిర్మాత: ఏయ‌న్ బాలాజీ (సూప‌ర్ గుడ్ బాలాజీ), ద‌ర్శక‌త్వం: మేజ‌ర్ ర‌వి.